MOCK OUT
Jugendband Jazzcampus Basel / www.jazzcampus.com
Donnerstag, 4. Juli 2024, 19.30 Uhr 

IN HIS HANDS
Gospelchor und Band / Gospel goes Jazz / www.in-his-hands.ch

Ruggbligg 2. Konzärt 13. "Musikalischi Summersprosse"4. Juli  2024

Motto: Mit der Band «Filet of Soul» fiehlsch Du Dii aifach wohl!

Drotz Verschiebig vyyli Bsuecherinne und Bsuecher in erfrailiger Zahl

hänn s gnoosse und sinn schynts hailoos zfriide gsii mit unserer Wahl

die musikalisch so vyylsitigi Band «Filet of Soul» z angaschiere

als Dangg bikunnt sii am Schluss «Standing Ovations» zem grateliere!

Unbeschaide gsait kenne mir drumm au noo dämm Konzärt gäärn brichte

mir hänn s noo unserem Motto «Muusigg fir alli!» wiider kenne richte!

Voraazaig

Am Mittwuche* der 17. vom Haimooned (Juli) 2024 kenne Sii hailoos feyni Südstaate-Muusigg mit «Take the 55» gniesse!

*bii schlächtem Wätter am Donnschtig, der 18. Juli!

TAKE THE 55
A trip from Chicago to New Orleans | www.takethe55.com 
Mittwoch, 17. Juli 2024, 19.30 Uhr

S "3. Musikalisch Summersprosse-Konzärt 2024" mit «Take the 55» underem Motto "American Swamp Blues" und mit vyyl «Groove»!

Waas will me denn no meh?! E heerlig feyne Summeroobe, e gewaltigs und vyylsitigs Konzärt mit ere Band wo die hailoos vyyle Bsuecherinne und Bsuecher (drunter erfrailigerwys au vyyli Famylie) begaischteret und mitrisst!

Drumm härzligi Gratulation und vyyle Dangg gschetzti Muusigger vo «Take the 55»! Mit em so groosse und danggbaare Applaus isch sicher au vyyl erfrailigi wie au wäärtvolli Energie an d Band zruggkoo!

Fir uns Organisatore isch es aifach erfrailig wie au motivierend, wenn so vyyl Lyt  unseri Summeroobe-Konzärt im Kannefäldpargg mit dääre saagehafte Stimmig so richtig dien gniesse!

emu